【Toby x 門路】攝影師創業（三）：三個令你Standout嘅專業攝影冷知識

婚禮及活動攝影師：要清楚活動流程

影婚禮、影活動同其他商業攝影唔同，例如影產品等都係相對靜態嘅攝影，可以由攝影師、設計師去布置構圖，但婚禮同活動都係動態嘅，有啲畫面同場景都係一瞬即逝，如果錯過咗就冇得返轉頭，你都冇理由要新郎新娘行多次紅地毯啦！

所以做婚禮同活動攝影最緊要知道成個活動嘅流程，開始之前最好喺場地行個圈，試試鏡頭同畫面，準備充足到活動開始時就唔會手忙腳亂。

而開始活動之後，都要一眼關七，留意四周有冇值得留低嘅畫面，亦需要冷靜應對，咁先至唔會因為唔同活動流程而錯失珍貴時刻嘅影像啦！

食物攝影師：要了解食物限制

講食物嘅限制，聽落好似令人一頭霧水，但其實對食物攝影係好緊要。影食物同品嚐食物都一樣有限期，新鮮嘅食物賣相、色澤都會比放咗一段時間嘅更加吸引，加上攝影所需嘅環境、打燈都可能會影響到食物，例如一啲凍飲、雪糕呢類會融嘅食品，或者因為油分太多而會泛油及凝結嘅食物。

所以作為食物攝影師就要了解唔同食物嘅限制，盡量喺食物最好嘅狀態下影相。亦要好好安排唔同食物拍攝嘅先後次序，同埋所需道具，例如冷凍櫃、加熱器等等，亦要同廚師好好溝通，了解嗰種食物嘅特質。

如果有需要嘅話，更加可能要用唔同嘅替代品「扮食物」嚟獲得最好嘅拍攝效果。

時裝攝影師：識得Fashion大大加分

要影時裝，除咗Designer要有時裝觸覺外，攝影師都要有Fashion Sense，知道潮流同衣物特色，先可以展現出時裝嘅美感，而唔係普通影靚個模特兒就得。

事實上，影時裝嘅話，產品應該係比模特兒更重要，觀眾睇到相片時嘅目光應該要留喺衣物飾品上，而唔係模特兒嘅面容上。所以想成為一個好嘅時裝攝影師，就需要定期留意同了解當季及下季潮流，有咩重點項目及新品，咁就可以好好下手去影靚相啦！

你係多範疇攝影師？識用一定用Toby！

作為攝影師嘅你，透過Toby平台接Job，可以喺Toby網頁/App直接聯絡客人溝通，將Portfolio連同報價內容交畀客。如果你係多範疇攝影師，更可以就住唔同攝影範疇建立專屬嘅檔案同報價範本，例如人像攝影、產品攝影、孕婦攝影等，分類非常清晰！喺Toby登記成為專家係完全免費，只需要簡單幾個步驟並完成認證，即可開始報價，平台總用戶超過300,000，平均每30秒就有一個新請求！仲等？即刻上Toby搵客啦！

關於門路

「門路」係一個教你搵錢嘅資訊平台，雲集各路掌門，親自教授搵錢竅門，分享初創貼士、搵錢秘技同實戰經驗。除咗用短片同文章教路，仲有LIVE CHAT即時同掌門互動，一路睇一路傾，同掌門攞料話咁易，連點搵資金嘅門路都有。即刻下載門路https://bit.ly/3awhKeB，即時捉緊每個搵錢機會！

3大頻道傳授各種搵錢竅門：

各門各路：

網羅各式搵錢門路，波鞋投資專家Professor S、手錶收藏家Mike Wu、潮流達人Mr. Big Children、懷舊玩具收藏家Oiman等掌門，教你透過買賣搵錢嘅竅門。

初創：

教你點將創意變成搵錢生意，各路初創掌門分享過來人心得

猛人：

掌門專訪，總結經驗，深入剖析成功搵錢竅門。