好多時唔同類型嘅客人都會要求Freelance攝影師提供Portfolio，方便參考攝影師嘅風格同長處，可以喺聘用之前確保係合適嘅人選。不過到底點樣先叫做一份好嘅Portfolio？今次就由門路同Toby教大家三大砌靚Portfolio要注意事項，怕麻煩嘅仲可以去我哋推薦嘅平台，用有效又簡單嘅方法去砌靚個Portfolio！
【Toby x 門路】攝影師創業（一）：三大簡易砌靚吸客Portfolio貼士
更新於2020年09月15日
【Toby x 門路】攝影師創業（一）：三大簡易砌靚吸客Portfolio貼士
貼士一：將作品分類
好多攝影師都會有唔同嘅經驗同拍攝風格，如果將唔同嘅作品放埋一齊就會感覺好混亂，所以可以視乎自己嘅特色同長處將作品好好分類，甚至加啲小標題同解說，等客人睇嘅時候可以更加清晰了解你嘅優點，請你嘅機會自然更大啦！
將攝影作品分類，方便遇上唔同客人時分開Show portfolio！
貼士二：創立多個Portfolio
創立多個Portfolio就可以更具針對性咁畀到客人睇到你嘅作品，尤其係有部分客人嘅要求好明確，例如只係想影婚紗相，如果你有婚照專用Portfolio就最好喇！如果唔係，只係得一款Portfolio，有齊晒影Product、影Model、影天氣，你估客人又有冇咁好心機睇到最後你影婚紗相嘅部分呢？
有多個Portfolio怕好難管理？如果用開Toby平台向客人報價，Toby其實可以幫你Save低多個Portfolio，等你每次報價都可以快速揀返所需嘅文件同報價內容，咁就唔怕走咗報價先機啦！
貼士三：貴精不貴多
好多客人都冇乜耐性，如果你嘅Portfolio有成一百幾十頁，幾乎冇乜人會有耐性睇到最後，但如果你只係精選自己覺得最好嘅十張八張相，再執得靚靚仔仔，其實就已經夠晒吸引客人請你啦！
砌相平台推薦：
Canva.com：Canva同PhotoShop、AI嘅功能好相似，可以砌相同埋簡單執相，最方便係有唔少範本可以參考同埋直接使用，就算無乜設計經驗都可以好易上手。
Adobe Spark：Adobe Spark都一樣可以好易使用，而且仲係少數Adobe嘅免費產品，Adobe出品都係信心保證！
唔少攝影師都會用個人網站製作Portfolio。
有Portfolio之後點搵客？識用一定用Toby！
作為攝影師嘅你，透過Toby平台接Job，可以喺Toby網頁/App直接聯絡客人溝通，將Portfolio連同報價內容交畀客。如果你係多範疇攝影師，更可以就住唔同攝影範疇建立專屬嘅檔案同報價範本，例如人像攝影、產品攝影、孕婦攝影等，分類非常清晰！喺Toby登記成為專家係完全免費，只需要簡單幾個步驟並完成認證，即可開始報價，平台總用戶超過300,000，平均每30秒就有一個新請求！仲等？即刻上Toby搵客啦！
下星期我哋會教你攝影師搵客報價嘅貼士，想了解更多攝影師創業嘅知識就記得留意嘞！
關於門路
「門路」係一個教你搵錢嘅資訊平台，雲集各路掌門，親自教授搵錢竅門，分享初創貼士、搵錢秘技同實戰經驗。除咗用短片同文章教路，仲有LIVE CHAT即時同掌門互動，一路睇一路傾，同掌門攞料話咁易，連點搵資金嘅門路都有。即刻下載門路https://bit.ly/3awhKeB，即時捉緊每個搵錢機會！
3大頻道傳授各種搵錢竅門：
各門各路：
網羅各式搵錢門路，波鞋投資專家Professor S、手錶收藏家Mike Wu、潮流達人Mr. Big Children、懷舊玩具收藏家Oiman等掌門，教你透過買賣搵錢嘅竅門。
初創：
教你點將創意變成搵錢生意，各路初創掌門分享過來人心得
猛人：
掌門專訪，總結經驗，深入剖析成功搵錢竅門。
