面試係搵工過程中最重要嘅一環，亦係你向僱主展現能力、個性同處事態度嘅好機會。不過無論你學歷有幾好、工作經驗有幾豐富都好，如果你在面試時犯咗一啲錯誤，就會俾HR大扣分，甚至即被Foul出局！Toby 總結咗以下10大面試扣分位，Fresh Grad搵工定跳槽轉工嘅朋友要留意！
【搵工必讀】見工大忌！應徵面試10大扣分位
更新於2021年07月09日
【搵工必讀】見工大忌！應徵面試10大扣分位
1）面試遲到
見工早5至10分鐘到場是常識吧！面試遲到反映你個人冇時間觀念，留下唔好嘅印象，如果真係遇到有突發事件，最少通知HR一聲提早備案。
2）唔做Research 見工零準備
工作面試最忌就係唔做下Research，對公司嘅業務或者工作職位一無所知，連最基本嘅自我介紹都講唔好。面試準備前，最好花啲時間上網查下公司嘅資料同最新消息，亦要準備下常見問題嘅答案，以免被面試官問到口啞啞。
3）太多小動作
適當嘅肢體語言可以幫助你表達自已，但好似撥頭髮、雙臂交叉抱胸、抖腳或者咬手指呢類小動作，好容易令人覺得你態度散漫或者唔專業，造成負面印象，這類面試注意事項一定要戒！
4）冇眼神接觸
面試自我介紹期間或回答面試官問題時，記得要同對方保持眼神接觸，唔望對方只會令人覺得你冇自信冇禮貌，就算答面試問題答得幾好都冇用。
5）面試衣著不當
面試衣著好睇工種同職位，一般情況下穿著乾淨整齊嘅恤衫西裝最穩陣。如果係應徵設計師呢類較自由嘅工作，就可以Casual少少，但千祈唔好著牛記踢拖又或者著得太烏搲！
6）吹水唔抹嘴
面試想表現自已，係人之常情，但唔代表你應該講大話或者誇大自已嘅能力同履歷。有經歷嘅面試官一聽便知龍與鳳，俾人發現你講大話絕對會即時被「叮」走。只要見工準備好，加上見工面試技巧，正正常常回答HR interview問題即可。
7）不停玩手機
等待面試期間、見工時間幾無聊都好，都唔好玩手機不停Send Message，否則其他人只會覺得你唔在乎呢份工作。此外，面試盡量熄咗手機，又或者校靜音以免干擾面試。
8）態度負面消極
任何僱主都鍾意積極樂觀嘅員工，事事只諗到最差結果或者冇自信，都係見工面試大忌。另外，表現自負、見高拜見低踩、數落前公司之類嘅行為都要避免。
9）插咀太強勢
表現主動自信係好，但面試官講嘢時插嘴係非常冇禮貌嘅事。就算係小組面試都千祈唔好不斷搶發言權，或者一聽到相反意見就反駁，咁只會顯得你難與他人溝通相處，而且冇團體意識。
10）冇問題問/問爛問題
去到面試尾聲，面試官十之八九都會問應徵者：「你有冇乜嘢問題想問？」如果你答冇，咁就真係太傻！呢個係你展現對呢份工作有熱誠嘅好機會，不妨利用面試提問技巧，問下有關職位嘅詳細職責或者公司嘅發展計劃，話唔定可以加深考官印象機會！不過如果真係諗唔到問題，答冇都總好過問：「平時幾點收工？使唔使OT？」呢類爛問題嘅。
想見工面試成功？搵Toby 幫你啦！
自問條件唔差，又冇犯以上錯誤，但都係成日喺面試失敗而回？唔緊要，立即上我哋嘅平台搵面試專家幫你，祝你見工成功啦！
服務評價
5.0
(155)
ray***@*****.com.hk
5.0
2024年12月10日一個非常專業既婚禮MC，有氣氛，有交帶，可以放心交個場俾佢，值得大家信賴！
Gary Cheung
5.0
2024年11月24日Amazing job from David on our wedding day. All of my family and friends, including myself and my wife, highly appreciate the way he carries himself. From my wedding experience, David was diligent, extremely helpful and he spoke very well with no extra nonsense (in a good way). He should be a highly sought after MC, and definitely a top tier MC in my opinion. Would recommend his services to any one needing an excellent MC.
Joyce Chow
5.0
2024年11月22日透過HelloToby找婚宴MC, David是其中一位approach我們的MC, 他主動提供MC片段，亦錄音給我們聽他的聲音，也建議可先約出來見面。 出來見面還未決定找David做MC, 他已經主動為我們提供rundown的建議，會面非常愉快，我們亦很喜歡David幽默的主持風格，所以很快決定找David成為我們婚宴當晚的MC。 之後透過whatsapp和David溝通，基本上有問題David都會盡力解答。 婚宴前1-2個月和David開會，因為婚期迫近，我非常緊張，幸好David安慰我，請我晚宴部分可以放心交他。 婚宴當天David主持得非常好，老公姐姐非常喜歡David的主持風格。David亦幫忙留意時間，以確保不會overrun。 宴會前老公和David準備了驚喜環節給我，事後老公告訴我他主動whatsapp David討論此環節，David很快就明白他的想法，所以驚喜環節很快很順利地準備好。 總括來說，我和老公都非常滿意David，非常推薦其他新人考慮選用David做婚宴主持。
