無論你想搵工定想轉工，要爭取更多面試機會，梗係要積極Send多啲CV出去啦！不過如果你嘅履歷錯漏百出，就會令目標公司HR對你嘅印象分大打折扣，DreamJob隨時因此而白白溜走。唔想你份CV石沉大海？等Toby 講解下邊啲CV常犯錯誤你一定要知！
【搵工必讀】優化履歷攻略：10大CV常犯錯誤
更新於2021年07月09日
【搵工必讀】優化履歷攻略：10大CV常犯錯誤
太多個人資料
履歴表有你個名、電郵地址同聯絡電話已足夠，至於你嘅地址、婚姻狀況、出生日期甚至身分證號碼等個人資料，其實就冇必要一一列出來，呢啲重要資料等到你面試填申請表時至提供都唔遲。
寫太多無關嘅工作經驗
假如你要應徵一份Markeing嘅工作，咁你以前曾做過文員嘅工作經驗就可以省略。寫太多無關痛癢嘅工作經驗，只會浪費履歴表空間。（當然如果你係工作經驗欠奉嘅Fresh Grad，咁以往嘅兼職、課外活動同義工經驗對僱主嚟講都係值得參考嘅資料嚟，咁就不妨附上。）
太長篇大論
想表現自已唔一定要長篇大論。一份好嘅履歷表其實1版起2頁止就夠，唔需要下下都寫完整句子，適當地運用Point Form，會令你份CV望落更加簡潔易睇。
填寫推薦人
唔少人習慣喺CV上寫明”References Available Upon Request”，但其實冇乜必要，除非僱主喺招聘廣告上寫明要你提供推薦人，否則唔使特登寫喺CV上浪費空間。
內容太空泛
比起空泛嘅個人職責同工作內容，你嘅實績同成就更容易引起僱主嘅注意。不妨試下加多啲數字，如「幫助公司節省開支10%」、「增加營業額20%」等，令僱主更了解你嘅能力。
排版格式唔一致
格式排版問題聽落好似好瑣碎，但如果CV啲字唔對齊、字型一時Arial一時Times New Roman，有時隔單行有時又隔雙行等等，難睇之餘又俾人唔專業嘅感覺。如果有想強調嘅關鍵字眼，可以用粗體或斜體突出。
有錯字、錯文法
CV上出現錯別字、串錯字等，會令人覺得你做事粗心大意，仲點放心俾份工你做？寄出CV前記得要再三檢查。如果唔放心嘅，你可以利用網上檢查文法同串字嘅網站確定完全冇錯字。
用唔專業嘅電郵地址
雖然話電郵地址點改係個人自由，不過如果你個私人Email用明星名或者奇怪字眼（例如HarryPotter@email.com或doglover123@email.com），只會俾人幼稚嘅感覺。想望落專業啲，記得開定個工作用嘅電郵地址，用自已姓名就最適合嘞！
內容一式一樣
雖然將同一份CV Send去唔同公司的確好方便，不過如果你能夠針對唔同嘅工作性質調整下CV，可能令你更易突圍而出。譬如應徵市場營銷工作，你可以強調自已過往工作同呢方面相關嘅部分，令人覺得你係有經驗嘅應徵者。
填寫個人興趣
除非你嘅個人興趣同份工好息息相關，否則一般僱主都冇乜興趣知道你平時鍾意行山定睇戲，盞嘥位！
想擁有一份專業CV？Toby 幫到你！
希望以上嘅資訊可以俾你了解到點樣寫好一份CV啦！其實CV係寫得好嘅話，俾人嘅第一印象都會有所提升，能夠大大增加見試成功嘅機會！講咗咁耐，係咪開始懷疑自已而家份CV寫得夠唔夠好呢？想寫靚份CV增加受聘機會？不如即上我哋嘅平台揾個CV優化專家幫幫你啦！
服務評價
5.0
(491)
Joey
5.0
2024年06月06日David is a very professional CV writer. He is very friendly and efficient. In addition to comment my CV, he also gave me a lot of useful and professional advice, which was very helpful for me when I interview, and increased my self-confidence.
Tey Chiu
5.0
2024年06月02日David好專業同好有效率，將履歷表調整得吸睛有重點，而且面試輔導非常有用，可以幫我解答唔同嘅疑問，亦會分享回答思路同技巧，最後令我通過面試並獲得受聘👍🏼
Chan Salley
5.0
2024年06月01日修改CV和準備面試方面，不同方面中，解釋得非常詳細。又讓我明白面試官的同理心，從他們不同角度去想。寫CV方面，他能夠寫下我所需要東西。準備面試中，每個方面，非常詳細解釋，令我準備面試時，有信心勇氣去面對，非常挑剔的面試官。
