【設計Logo費用】商標設計價錢攻略 2024

Logo 設計/ 商標設計具體收費

Freelance 商標設計服務好多時係 Case by Case，所以收費較為浮動，最平嘅可能$250 - $300左右已有交易，適合初次創業、網上商店等預算有限而要求唔高嘅公司。不過，如果你打算申請商標註冊嘅話，咁最好都係搵番個有一定經驗嘅設計師為品牌度身訂造Logo，收費會貴少少，約為$800 - $1,000起，最高可達$1,500 - 2,000或以上，費用大多包括3款設計樣稿，以及2 - 3次免費修改服務。

附加費

不過，其後每次修改通常都要另收$50至幾百元不等嘅附加費。除咗商標之外，有些公司會希望同時設計埋公司名片同信紙，總收費約為$2,000 - $3,000起。

Logo 設計 / 商標設計工作內容包括

唔好以為設計 Logo 只係畫下圖咁簡單，專業嘅設計師會因應品牌嘅背景、業務同形象等元素去設計商標。聘請設計師時，你應同對方溝通清楚，說明有乜設計要求，譬如 Logo 字眼、色彩限制同埋風格意念等。你亦應讓設計師了解，除咗公司網站同Facebook專頁外，會否想喺卡片、影片同團隊制服等地方使用 Logo，以便對方因應要求調整設計。

所需時間及檔案

一般設計師可以3 - 6個工作天內完成初稿，而確認最終設計後，設計師通常會提供原始 AI 檔（印刷）、同 JPG 檔案（預覽）。最後，如果你準備申請商標註冊，記得同設計師講明要100%原創作品，切忌抄襲。

Logo設計 / 商標設計額外收費

好多時設計師嘅服務只會提供 Logo 彩色設計版本，如果你想要 Logo 嘅黑白設計同選用顏色嘅代碼（Color Code），最好事先問清楚會不有額外收費。

申請商標註冊

此外，為免公司Logo遭人抄襲或盜用，你可能需要向知識產權署申請商標註冊，以保障你嘅專有使用權。你可以利用知識產權署嘅檢索同初步意見服務，以了解知識產權署係咪有機會接納你嘅申請，各項服務收費分別為$400。

而申請商標註冊費用則為$2,000（一個貨品或服務類別），每個額外貨品或服務類別嘅申請費用為$1,000。不過，由於申請過程複雜，涉及多重審查同法律問題，而且書面往來繁複，有些人會聘請知識產權代理公司或律師行協助處理申請，收費約為$2,500 - $3,000起。

網上設計工具 VS Logo／商標設計服務

現時網上有唔少設計工具，可以免費幫大家製作Logo和商標。網上設計工具包含過萬個範本，使用者可以挑選喜愛的範本，然後修改商標的顏色、顏體、文字等元素，最後下載商標便大功告成。網上設計工具的優點是過程簡單快捷，完全可以按照自己嘅心意設置商標或Logo，更重要嘅是費用全免，對預算比較少的公司或機構來說，網上設計工具的確非常吸引。

網上設計工具缺點

網上設計工具雖然範本甚多，但難免有機會與其他使用網上設計工具生成嘅logo或商標相似，亦欠缺個性，而且製作logo或商標解像度比較小，加上使用者唔可以擁有logo或商標的版權，如果想製作真正屬於自己的logo或商標，必須使用工具的付費方案，所以免費設計工具只能適用於非商業用途logo或商標。

專業Logo設計好處

因此，如果想logo或商標富創意，突顯公司個性，吸引受眾目光，又想完全擁有Logo／商標的版權，又有人為你處理商標註冊事宜，以保障自己的權益，就需要選用設計師或設計公司的服務。

喺Toby搵啱你嘅設計師／設計公司！

Toby 集合一眾設計專家和公司，符合不同客戶所需。如果你想在 Toby 尋找 Logo／商標，你只需要回答幾條簡單問題，設計專家和公司會按照你嘅條件提供報價，你比較設計專家和公司嘅作品同報價後，就可以選出合心意嘅設計專家或者公司，過程輕鬆又省時！