狗狗經常胡亂吠叫、隨處大便，又或者散步時有扯繩、展現攻擊性等行為問題，不但令主人大為困擾，更可能對鄰居同朋友造成滋擾同不便。想幫寵物糾正不良行為，訓練服從性同建立良好習慣，就要由專業的寵物訓練員出馬！立即閱讀以下寵物訓練成本指南，了解找專人幫手的預算開支。
【寵物訓練師費用】寵物訓練價錢攻略2025
更新於2025年01月16日
2025香港寵物訓練價錢為
香港寵物訓練價錢介乎每個項目$2,300至$8,000，平均HKD$3,200/項目。寵物訓練收費計算方式主要可為兩種—按時薪或按課程，收費亦通常視乎資歷而定，上門教授會比小組訓練課程昂貴。
$2,300 - $8,000
香港平均寵物訓練價錢為HKD3,200/項目
$2,300$3,200$8,000
我們如何獲取寵物訓練價錢數據？
我們所提供的寵物訓練價錢數據是根據平台上超過 50,000 個由寵物訓練師所提供的報價整合而成。
【寵物訓練師費用】寵物訓練價錢攻略2025
寵物訓練具體費用
專業寵物訓練員的收費通常視乎資歷而定，計算方式主要可為兩種—按時薪或按課程
上門教授
如果以時薪收費，普通寵物訓練員上門教授，時薪約為$500-$1,100，視乎寵物的歲數，六個月以下幼年寵物一般收費較便宜，大約每小時為 $500-$750，如果已成年的寵物就大約為 $850-$1,100，但如果寵物已有明顯行為問題，價錢就可能會再增加。雖然以時薪計算，但也非完成一小時課程就可以，寵物訓練員會於正式訓練前先同主人溝通，初步評估寵物的評估寵物的問題同嚴重，預算大約需要的時間、堂數和收費，再依實際上堂情況調整、受訓寵物隻數等因素，一般而言會以三堂起跳，每堂相距一星期。
小組課程
坊間亦有已經安排一定時數的寵物訓練小組課程，以整個課程計算收費，由$1,800-$3,600不等，平均包括3至6堂，每堂為1至2小時，課程會明確列出每堂的內容和訓練方法，但就比上門私人訓練缺乏彈性。例如香港愛護動物協會也定期會舉辦狗狗訓練班課程，包括狗狗BB班、基本服從訓練班、中級服從訓練班和專為家庭傭工而設的狗狗散步禮儀訓練班，價錢如下：
訓練班 | 價錢* | 堂數 |
狗BB班 | ~$2,300 | 6堂^ |
基本服從班 | ~$2,300 | 6堂^ |
中級服從班 | ~$2,650 | 6堂^ |
狗狗散步禮儀班 | ~$2,400 | 4堂 |
*於愛護動物協會領養的狗隻及愛護動物協會會員可以享有優惠
^其中一堂為理論課
寵物訓練服務內容
一般寵物訓練員會提供狗隻同貓隻訓練，當中以狗隻訓練最常見。訓練的主要目標是要改善寵物的服從能力、糾正不良行為並進行各種不同訓練等，包括基本技能訓練（如坐、伏下、站立、原地停留、喚回、鬆繩隨行等）及各項針對性訓練，如如廁訓練、障礙賽訓練同各項雜耍訓練。
要留意的是寵物訓練員不是只訓練寵物，同時亦需要主人接受訓練。寵物訓練員會教授主人寵物的行為模式、互動同訓練技巧，以及如何處理撲跳及扯繩等不當行為，從而令愛犬學識聽從你的指令，讓你無需用武力或懲罰的方式都可停止愛犬的不當行為。因忘，寵物訓練員通常都會要求主人一同參與課堂。
現時很多訓練寵物師都鼓勵主人運用正向訓練方法（Positive Training）訓練狗隻，如透過鼓勵同獎勵式的形式，幫愛犬學習良好行為。
寵物訓練員會根據各寵物的特性，訂造訓練。
寵物訓練師額外收費
大部份的訓練寵物只的收費都是以一隻寵物計算，如果你想同時訓練兩隻或以上的狗狗，可能需就每隻寵物支付$400-700不等的額外費用，或需要分開報名訓練，視乎寵物訓練員安排。
此外，有些主人或會因工作繁忙未能抽身上課，又或者狗狗行為問題嚴重，需接受每天訓練，而選擇送愛犬接受寄宿訓練，寵物寄宿訓練一般為14至30天，另外包括1-4堂主人理論課，課程價錢$7,500-$16,000不等。如果選擇寵物寄宿訓練，就要注意課程價錢是否已包括住宿和訓練費用，會否有其他額外收費
服務評價
5.0
(273)
Anna
5.0
2025年01月13日十分感謝Carsten既教導，無諗過上左一堂我既狗狗bailey 可以有咁大轉變。之前係屋企或者出街都會覺得好大壓力，因為Bailey係屋企一定會搵人同佢玩，又會咬手手，咬衫，可以講得係麥都岩咬，出街勁搶繩之餘，對其他狗狗唔順超就會好激動，真係搞唔掂。雖然我哋都上過正向既training, 但係問題都解決唔到，完全唔知點先可以幫到bailey。之後上左Carsten 既training 一堂，bailey 出街搶繩既問題就改善左好多，見到唔中意既狗狗我地都識點處理，講笑咁講，依家落街街無咁大壓力，帶bailey落街街既意欲都大大提升,Bailey表示開心😆 第二堂我地就針對在家既訓練，終於覺得原來係屋企都可以一齊放鬆平靜咁相處，唔洗再打黎打去，梳化都終於可以坐下，所以好多謝Carsten既專業教導，將我地最困擾最迫切既問題都好快可以處理到。我哋相信bailey好快就會由一隻壞左既小狗變返一隻乖乖既小狗🐶😆，感謝！
Ini***@*******.com
5.0
2025年01月13日新手上路， 好彩揾左Carsten 因為BB狗仔回家後，經常咬東西及周圍尿尿 Carsten 上門教咗我地一啲方法，令到BB狗無再牙痕咬我地手指 定點尿尿都做到9成了 大小小可以落街，一定會再揾Carsten 教路點樣令佢乖乖😊
匿名用戶
5.0
2025年01月10日一個字好！ 睇得出好錫小動物 （睇得出特別鍾意唐狗）
