Dusk Till Dawn

-富含放鬆氣氛嘅現場演奏表演 -令人感到溫暖嘅友善店員 -黃色同紫色嘅色調搭配 每個經過Dusk till Dawn門口嘅遊客，大多都會被其鮮艷嘅黃牆身紫門窗、歐陸式嘅休閒裝潢擺設所吸引，總想入內一探虛實。由淡紫色大門進入，就好似進咗時空隧道，由悅目清雅嘅小花園到一個黑暗中帶點浪漫隱秘氛圍嘅空間。Dusk till Dawn夜晚係一間酒吧，日頭則搖身一變成為一間餐廳。大門口樓梯兩三階，左手邊一個小型舞台，上面擺放咗唔少用布蓋住嘅演奏樂器。正對大門口就係一個巨型流線型吧台，台前附高凳供客人入座，吧台後則擺滿咗各式各樣嘅酒。