【溫書cafe】嚴選香港10大溫書地方：自修室／溫書cafe

有名你叫 Cozy Cafe，成間 Cafe 嘅環境都相當休閒。呢間裝修咁簡潔嘅 cafe ，啱曬想搵個寧靜空間做自己野嘅你！同其他上面提及嘅cafe一樣， Cozy Cafe都主要係用長枱，可以俾要溫書嘅顧客將自己嘅野放上枱面，方便溫書。

開放時間： 星期一至五：08:00-23:30；星期六至日：10:00-20:00

地點：葵涌打磚坪街1-25號寶星中心地下5號舖

年青人熱門之選嘅 Dog99 Coffee ，暫時係全港唯一一間「通宵cafe」。除左星期三外，所以開放時間會由朝早11點開至上午6點。對於一班想搵夜晚溫書地方嘅學生黎講，呢間溫書Cafe 就係一個好好嘅選擇！同時呢個 cafe 賣嘅食品都唔算太貴，大部份咖啡價錢唔過40蚊，都算價錢相宜。

開放時間： 星期一至日 11:00-06:00（星期三休息）

地點： 深水埗福榮街23號

 3. Kubrick — 文青必去 溫書地方

位於百老匯電影中心隔離嘅 Kubrick ，成間鋪頭一邊係書店、一邊係咖啡店。雖然整間咖啡店佔地唔大，但佢地全部都係用橫枱，方便學生溫書做功課。此外，成間咖啡店嘅書卷氣息十分濃厚，啱曬一班要溫書嘅學生。食物價錢方面，一杯咖啡都只需要大概30至40蚊左右，大部份學生都負擔得起。

網址： http://www.kubrick.com.hk/

開放時間： 星期一至日 11:30-22:00

地點： 油麻地眾坊街3號駿發花園H2地舖

4. MG Cafe — 西洋風格 溫書cafe

位於觀塘海旁附近嘅 MG Cafe 位置離地鐵站有一段距離，位置比較唔就腳。但同時因為咁，Cafe下午茶人流比較少，啱曬唔想霸住Cafe嘅座位嘅學生。 MG Cafe嘅裝修行歐陸式風格，傢私同裝飾都非常復古。成個 cafe 環境寧靜，都適合想靜靜地溫書嘅學生。

網址： http://www.mgcafe.hk/

開放時間： 星期一至五 08:30-19:00；星期六至日 09:00-18:00

地點： 觀塘海濱道133號萬兆豐中心地舖

 5. 旺角洗衣街 Starbucks - 溫書專用區！

唔少人都鍾意喺Starbucks一邊嘆咖啡一邊溫書，不過公眾地方始終較嘈雜，有時人太多又唔係幾好意思坐成日。不過，旺角洗衣街嘅Starbucks上年就喺2樓專設溫習區，提供長枱位同單人窗口位，可以明正言順咁樓上cafe溫書！

開放時間： 星期一至日 08:00-23:30

地址： 旺角洗衣街89 –-91號偉基樓1樓及2樓

 6. HOWE Cafe — 觀塘溫書好去處

HOWE Cafe 除咗係一間 Cafe 外，更加係一間傢俬店。所以一入到 Cafe店 就會俾實木家俬包圍住。Cafe嘅枱大部份都係長長嘅木枱所製造，十分適合同學溫書。另外一點，店內亦有唔同嘅 board game 俾顧客玩。睇黎店主都唔介意大家長時間留喺店入面，咁大家溫書就可以溫得放心啲啦！

網址： https://www.facebook.com/HOWE.hk/

開放時間： 星期一至六 11:30-22:00；星期日及公眾假期需預約

地點： 觀塘興業街19號明生工業大廈11樓

Captain Coffee 門口同另一間髮型屋共用，睇上去毫不起眼。但入到 Cafe 入面就發覺別有洞天。 Cafe 內裡配置十分完善，位置配有充電位同無限免費wifi提供，方便同學用手提電腦溫書或者做功課。另外，店主態度亦相當唔錯，大家不妨可以坐底落黎溫書溫幾個鐘。

開放時間： 星期一至六 10:00-18:00

星期日 14:00-18:00（星期三休息）

地點： 筲箕灣筲箕灣道361號利嘉中心1樓

8. Tram View Cafe — 山頂纜車旁隱世溫書cafe

Tram View Cafe 座落於金鐘半山山頂纜車車軌旁。坐喺店入面，窗口可以見到纜車經過，是為一大 Tram View Cafe 一大特色也。由於位置喺半山上，極唔就腳，人流稀少。對於有心想要一個寧靜溫書環境嘅人黎講，Tram View Cafe都算係個好選擇。

開放時間： 星期一至五 11:00-19:00；星期六至日、公眾假期 10:00-18:00

地點： 半山䌫車徑2號地舖

9. Ethos — 文青風溫書cafe推薦

Ethos 採用黑白灰色作為成間 cafe 嘅主調色，為成間鋪頭定下簡約嘅風格。成間鋪頭入面有唔少長方型木枱，可以俾學生或者其他需要空間溫書嘅人溫書。店鋪入面仲有免費wifi，可以俾學生上網做功課。

開放時間： 星期一至五 08:00-18:30

星期六 08:00-21:00

星期日 09:30-18:30

地點： 西環堅尼地城山道93號

10. Moment — 鬧市 樓上cafe溫書

Moment 係銅鑼灣鬧市中一間樓上cafe 。閒日嘅時候Cafe 多數冇咩人，大家上去買野食之後，可以留底做功課或者溫書。而且呢間港島溫書cafe嘅食物相對價錢亦唔太貴，值得考慮。

開放時間： 星期一至三 11:30 – 18:00

星期四至五 11:30 – 23:00

星期六 12:00 – 23:00

地點： 銅鑼灣富明街1-5號寶富大樓2樓L室

只需3步，尋找適合你的補習導師！