Water Slide@ Hong Kong Public Pool

想玩水？唔一定要去水上樂園嘅！其實香港公眾游泳池都有好刺激嘅滑水梯，拍得住外國嘅水上樂園㗎！重點係比$17已經可以任玩，成日去仲可以買月票添！全港44個公眾泳池入面，有22間有滑水梯嘅！要玩梗係要揀最特別同刺激嘅啦！

將軍澳游泳池

滑水梯高度分兩種（3.65米同6.25米，各2條），想刺激啲又得，熱下身先都得！畏高嘅都可以由矮啲嘅滑水梯開始挑戰！

地址：將軍澳運隆路9號

游泳池開放時間：上午6點30至下午10點 (暫停開放時段：中午12點至下午1點及下午6點30至七點30）；逢星期一休息

馬鞍山游泳池

呢個游泳池嘅滑水梯最高有成9米啊！係全香港高度最高同速度最快嘅滑水梯，超級好玩刺激！而且嬉水池可以飽覧吐露港景色，絕對值得一去！

地址：馬鞍山鞍駿街33號

游泳池開放時間：上午6點30至下午10點 (暫停開放時段：中午12點至下午1點及下午6點30至七點30）；逢星期二休息

大埔游泳池

要數最多滑水梯嘅游泳池，就一定係大埔游泳池啦！總共有6條滑水梯，其中三條高度更有8.5米，只係比馬鞍山游泳池嘅9米滑水梯矮少少！成個泳池望落好似水上樂園咁，見到都已經好想玩啦！

地址：大埔汀太路11號

游泳池開放時間：上午6點30至下午10點 (暫停開放時段：中午12點至下午1點及下午6點30至七點30）；逢星期一休息