Pineapple Park

夏天嚟到少不免食啲消暑水果！呢個位於元朗錦田嘅菠蘿園唔止地點方便而且有得即摘即食，仲有親子工作坊、菠蘿主題食品、BBQ場，啱哂同成班朋友一齊喺度消磨一日。

農莊只係有印尼種嘅皇后菠蘿，以有機方式種植。場內菠蘿即摘即食，食落清甜又多汁，連個芯都可以吃。園內亦有唔少以菠蘿製作嘅小吃，實行菠蘿多吃。

菠蘿園設有各種活動，如珍珠雪糕菠蘿包及菠蘿特飲製作班等，官方facebook會仔細列出當天活動時間表，想參加嘅只要按時間表報名即可。

嚟到一定要試下佢地嘅特大珍珠菠蘿油餐！菠蘿包表皮酥脆，加上一片新鮮菠蘿、 菠蘿雪糕球同牛油，食落甜中帶鹹，味道有層次又特別，再配上菠蘿飲品，非常消暑。