HK Disneyland Spring Event: Carnivale of Stars

眾所周知，迪士尼樂園會喺唔同季度推出唔同嘅應節活動，保證大家入 Park 唔會玩到悶，時刻保持新鮮感；而 2019 年嘅春季 (3 - 6月)，就有一連串精彩盛事等住香港一眾大小朋友！

1. 迪士尼最新互動遊樂設施 - 「蟻俠與黃蜂女：擊戰特攻！」

-玩法

同「鐵甲奇俠飛行之旅」差唔多，玩家會由一趟平靜嘅香港迪士尼「史達科技展」神盾局(S.H.I.E.L.D.)科技館之旅開始，但係中途意外遇上邪惡勢力－Arnim Zola同佢嘅海德勒機械蟲軍團攻擊。玩家需要乘搭神盾局最新野戰車，同蟻俠、黃蜂女並肩投身於一場對抗邪惡嘅正義之戰，化身拯救世界嘅英雄！

如欲瞭解更多詳情，請前往：https://www.hellotoby.com/zh-hk/event/蟻俠-黃蜂女-擊戰特攻

2. 「猜猜誰．尋尋蛋」復活節活動

快啲搵齊屋企人同好朋友一齊投入呢個迪士尼春日傳統！超過 100 隻迪士尼朋友花蛋或漫威超級英雄花蛋，已經進駐各個樂園園區同三間酒店，藏身於多個意想不到嘅角落，等你逐一發掘佢哋嘅蹤影！

3. 破壞王同雲妮露將會喺會客室同大家見面！

人氣角色破壞王同雲妮露由《無敵破壞王2：打爆互聯網》嘅網絡世界嚟到「會客室」，歡迎大家搵佢哋見面同合照，分享一段深厚又溫暖嘅友誼，為暖暖春日留念！

4. 每日活動「迪士尼明星春日慶典」

當春天為大地披上柳綠花紅嘅新衣，一眾迪士尼朋友亦齊齊換上鮮豔明亮嘅新裝，喺美國小鎮大街上蹦蹦跳跳同你會面！

廣場舞台更加會每日上演一場全新嘅「迪士尼明星春日慶典」，絢麗多姿嘅迪士尼巨星換上春日服飾，喺一眾舞者簇擁下登場，同大家見面，為燦爛春日留念。賓客切勿錯過於廣場舞台附近嘅花圃同夢想花園入面嘅創意園藝，等賓客可以同《魔海奇緣》、《獅子王》、《小熊維尼》、《小鹿斑比》等以經典迪士尼故事為主題嘅精緻佈置拍照。

記得時刻緊貼 HelloToby，方便瞭解為你精選搜羅嘅全城至Hit活動資訊！