迪士尼全新Marvel互動遊樂設施「蟻俠與黃蜂女：擊戰特攻！」

Marvel 主題嘅香港迪士尼樂園遊樂設施「蟻俠與黃蜂女：擊戰特攻！」將會喺 2019 年 3 月隆重登場！

－玩法

同「鐵甲奇俠飛行之旅」差唔多，玩家會由一趟平靜嘅香港迪士尼「史達科技展」神盾局(S.H.I.E.L.D.)科技館之旅開始，但係中途意外遇上邪惡勢力－Arnim Zola同佢嘅海德勒機械蟲軍團攻擊。玩家需要乘搭神盾局最新野戰車，同蟻俠、黃蜂女並肩投身於一場對抗邪惡嘅正義之戰，化身拯救世界嘅英雄！

「蟻俠與黃蜂女：擊戰特攻！」開幕，相信電影《蟻俠2：黃蜂女現身》中兩位主角保羅活特（Paul Rudd）同伊雲祖蓮莉莉（Evangeline Lilly）一定會好開心，因為兩位都將會喺呢項互動遊樂設施入面亮相！

「我一直都是迪士尼的狂熱支持者。」保羅活特表示：「對於香港迪士尼將會擁有蟻俠遊樂設施，實在令人無比興奮！」拍檔伊雲祖蓮莉莉亦對於佢主演嘅黃蜂女將會作為樂園遊樂設施主題感到難以置信：「我亦很高興Marvel系列電影首次將女英雄加入到戲名之中；而這位Marvel女英雄能夠成為迪士尼樂園遊樂設施的主角之一，實在令我非常榮幸！」

繼2017年「鐵甲奇俠飛行之旅」成功開幕後，「蟻俠與黃蜂女：擊戰特攻！」將會係香港迪士尼第 2 個Marvel主題嘅遊樂設施，位於「史達科技展」旁邊。