大澳好去處 - 搭艇睇海豚之旅

出海尋找中華白海豚可以話係嚟大澳嘅必備行程。粉紅色嘅中華白海豚一向都深受香港人喜愛，但因近年各種填海工程，加上海豚容易受驚而遠離船隻，想見佢地一面都唔係咁容易！

（圖片擷取自：香港會議及展覽拓展部）

想親眼見到海豚，同時又想一睹充滿漁村傳統氣息嘅棚屋風貌，去搵最熟路嘅船家帶路就一定唔會中伏。船家會先喺棚屋之間繞一個圈，再駛出漁村，正式開始尋找中華白海豚之旅！

（圖片擷取自：up media）

成個航程歷時大約 20 分鐘，船家會慢慢喺海面上兜圈，一齊細心尋找中華白海豚嘅蹤影。但係因為海豚數量稀少，想見到海豚就真係要靠運氣啦！

（圖片擷取自：hk.lovefood）

遊覽船艇資料：

交通：大澳巴士站步行約5分鐘到街市街（大涌橋旁邊登船處）

價格：每乘客位約 HKD$ 25-30

時間：10:00-17:30