【情侶好去處】漫遊舊香港 上環特色街道隱世cafe推介

平時行街，行商場行到悶，有冇諗過拍住拖，行下一啲香港古色古香嘅街道呢？上環唔只特色cafe多，特色街道都有唔少㗎！細心漫步弄巷之間，可能又會帶比你唔同嘅體驗。

永利街

喺永利街有9幢建於1950年代嘅唐樓，到而家仲一直保留住當時嘅建築特色，復古門窗同舊式郵箱都係影相打卡嘅好地點。唔怪得之電影《歲月神偷》都揀喺呢度拍攝啦！

(圖片擷取自：lifepoem)

樓梯街

上環文武廟大家都聽得多，但係隔離嘅樓梯街一樣咁有特色㗎！顧名思義，樓梯街係一條以樓梯為主嘅街道，同文武廟一樣喺建於香港開埠初期，而家亦被列為一級歷史建築。

(圖片擷取自：pengpeng_24@instagram)

摩羅上街

喺樓梯街就係摩羅上街，懷舊古玩同雜物嘅集中地，呢度就好似一個尋寶樂園，慢慢行慢慢睇，可能會發現到唔少有趣嘅小玩意。

(圖片擷取自：jjphoto.tw)

前往方法：

上環站A2出入口

Halfway Coffee 半路咖啡

嚟到摩羅上街，一定唔可以錯過半路咖啡。咖啡品質不在話下，佢地用嘅杯碟都帶有濃濃嘅懷舊味道，同摩羅上街嘅氛圍超夾！

(圖片擷取自：halfway Coffee Facebook)

地址：上環東街12號地舖

Barista Jam

呢度主打澳洲精品咖啡，唔少喺澳洲留學或旅行嘅朋友都認為呢度啲咖啡係可以媲美澳洲cafe。除咗咖啡，呢度仲提供多種澳洲式早餐及甜品，想試地道澳洲cafe一定要嚟啦！

(圖片擷取自：Barista Jam Google)

地址：上環蘇杭街97號地下1號舖

Lof10辦館

想搵簡約風文青cafe？辦館就啱哂你啦！呢度保留咗上一手留底嘅鐵閘，亦係呢度招牌之一。唔少文青都鐘意喺度嘆咖啡，享受慢活嘅生活美學。

(圖片擷取自：damol941705.pixnet.net/）

地址：上環裕林台1號地舖B