【男士護膚】男仔唔駛理皮膚？NO！男士護膚美容須知

第一步：清潔

可能很多男士都覺得，「男仔洗臉唔駛用洗面奶啦」，咁諗你就大錯特錯喇！香港空氣污染嚴重，皮膚分泌的油脂以及外界各種細菌、塵埃都會留喺皮膚、毛孔，容易引起毛孔堵塞，加上男士新陳代謝快，身體排出的油脂和分泌物通常比較多，容易導致皮膚水油不平衡，特別容易生暗瘡同令毛孔粗大，所以一樣需要洗面㗎！

第二步：補水

洗完臉後，可以喺面上拍爽膚水，作為皮膚的第一步保濕，等保濕精華滲透到乾燥的角質層，有效保濕，舒緩敏感，特別乾燥的時候仲可以用化妝綿濕敷，加強保濕效果。

第三步：搽乳液／面霜

乳液同面霜主要分別就係保濕效能同質地，乳液相對清爽，保濕效果比較低，適合夏天或油性皮膚使用，而面霜比較厚重，保濕效果明顯，冬天同乾性皮膚都非常適合，如果夏天夜晚會開住冷氣瞓覺，都可以用面霜代替乳液，以免被冷氣抽乾皮膚水份。

第四步：防曬

防曬唔止係為咗預防曬黑，仲係基礎護膚必不可少的步驟，防止皮膚因為太陽照射而老化。要揀好的防曬，質地不油膩、不厚重、不泛白很重要，可以按需要選擇自己適合的防曬指數，坊間常見的防曬由SPF15至50、PA+至PA++++不等，數字愈大愈能防止曬黑，而「+」的數目愈長就是愈持久。

男士美容療程推介

坊間不少美容療程都為女士而設，貪靚的男士要搵間有信譽又有男士服務的美容院可以話難上加難，大部分男士美容療程都會針對男士相對多油又缺水的膚質來進行療程，但也有部分會依個人膚質、需要和要求進行不同療程，除了日常護理、去角質、保濕外，也有去斑、激光收毛孔等醫學美容的選擇。

唔知點樣搵啱自己的美容院？又怕逐間試會摸門針，甚至被hard sell？不如睇下Toby推介，由我哋為你揀出心水男士美容院，更有獨家優惠，變靚就係咁簡單。