日本不單係港人旅遊嘅熱門之地，亦係香港嘅重要商品貿易夥伴之一，所以好多在日資品牌都會喺本地開設分公司，並公司不時都會進行跨國商業交易同交流活動，於是日文翻譯需求亦隨之而大增。為咗節省成本，好多公司都會將翻譯工作外判俾 Freelancer 負責。不過，聘請日文翻譯 Freelance 時點樣嘅收費至為之合理？
【翻譯日文費用】日文翻譯價錢攻略 2024
更新於2024年01月12日
2024香港日文翻譯價錢（2000字）
香港一般日文翻譯價錢平均$800（以2000字日文翻譯文為例），價錢受日文翻譯文件字數、類型、時間等而有調整。
$600 - $1,600
香港日文翻譯價錢平均HKD800/2000字
$600$800$1,600
我們如何獲取價錢數據？
我們所提供的數據是根據平台上超過 20,000 個由日文翻譯員及翻譯公司所提供的報價整合而成。
【翻譯日文費用】日文翻譯價錢攻略 2024
日文翻譯具體收費
日文筆譯價錢
筆譯可以話係最常見嘅 Freelance 之一，通常按原文字數計算收費。一般日文翻譯中文會比中英翻譯稍貴，大概為每字$0.6 - $0.7起。約以一篇1,000字文章計算，即約$600 - $700。而中文翻譯日文服務嘅收費又會再貴少少，大概為每字$0.7-$0.9起。約以一篇1,000字文章計算，即約$700 - $900。有些 Freelancer 更可以提供英文翻譯日文同日文翻譯英文服務，收費就更貴，約為每字$1-$1.6；約以一篇1,000字文章計算，即約$1,000 - $1,600。
一般日文翻譯至少需要2天時間完成。
日文傳譯價錢
至於傳譯服務則會按工作時數或日薪計算，通常 Freelance 收費約為每小時$250 - $400起（一般最低時數為2小時），日薪則約為$1,000至幾千元不等，視乎活動性質、規模同複雜程度而定。此外，同步或逐步口譯會比隨行口譯更貴。
由於傳譯服務需要豐富經驗及應變能力，所以收費會較高。
日文翻譯工作內容
喺香港，日文翻譯中文同中文翻譯日文服務都係以書面筆譯為主，除咗一般文章外，好多商業文件（如書信、銷售資料、計劃書、產品規格表、財務報表等）、技術文件（產品說明書、用戶手冊、包裝說明等）同法律文件（合約同組織章程大綱及細則等）都會請 Freelance 代為翻譯，通常需要至少2天完成。
此外，日本流行文化及產業一向喺香港大受歡迎，所以電視劇同動畫等影片、以及雜誌、小說、漫畫等書籍亦可以請 Freelance 代為翻譯，有些 freelance 或會選擇按件收費，通常需要至少2-3天完成。
你或許有興趣：【學日文好難？】比較香港學日文方法 自學日文VS日語課程
至於傳譯方面，一般中日雙語傳譯員可於業務會議、商務談判、研討會同電視訪問等場合提供即時傳譯服務。雖然專業嘅傳譯員可以應付不同行業或領域內容，但如果你希望想提升傳譯質素，可預先提供相關資料同文件，等傳譯員有更多時間預備，了解你嘅產品同服務，傳譯時就更順暢。
日文翻譯額外收費
雖然 Freelance 翻譯員一般都係按字數收費，但如果你對翻譯品質有特別要求，就要留意對方會否收取額外費用。譬如為咗確保譯文準確無誤，你可要求由母語譯者翻譯或審稿，但通常母語譯者收費較貴。
此外，你可能會因原文內容有改動而需要譯者作調整，如果原文修改幅度唔大（如修改內容少為原文10%或300字以內）你可以同譯者商量能否作免費修改。不過如果修改篇幅較多，咁你就應該按照原先傾好嘅每字收費比率計算改稿部份嘅額外收費。
假如你預算有限，又想確認譯者嘅品質同風格合適先決定起用，你可以嘗試同譯者商討可否提供小篇幅試譯，通常試譯原稿約為100 - 300字。如果你決定採用試譯稿，記得將呢部份嘅稿費列入翻譯總費用計算。
讓Toby 免費幫你挑選日文翻譯員！
在揀選日文翻譯員時，中介網站不失為一個好幫手，能助你貨比三間。Toby 絕對是你挑選日文翻譯員拍檔，輕鬆幫你比較日文翻譯收費及評分。平台上推介的日文翻譯員服務經驗十足之餘，全部都經過實名驗證及審核，你絕對能夠安心聘用。
