【日文老師邊個好】日文私補必知！5個聘用日文老師注意事項

坊間開辦日文班嘅機構主要有三種：進修學院、日語學校香港、工聯會。不同機構有開辦固定嘅日文課程，通常以教文法同閱讀理解為主。如果你想多練習日文會話，以上機構嘅日文班就未必符合到你嘅要求。因為日文班一般都係大班教學（15至20人一班），每個老師教法唔同，好難兼顧到每個學生嘅需要。假如你真係想搵個合適你嘅日文課程，你可以先留意網上嘅評價。

至於私人日文老師就可以小班教學甚至單對單上堂，老師可以因應你嘅需要調整教學進度。市面上有部份老師更係全職freelance日文老師，咁佢就可以完全同埋針對你發音、詞彙、文法等弱項教你，所以日文一對一嘅課堂內容自由好多。如果你已有一定日文基礎，想集中練習口語能力同寫作，就可以自已同導師商議每堂練習對話或者定期交作文俾老師批改。

有啲人可能會覺得日本人授課比本地老師好，日語流利自然不在話下，發音都純正啲，亦更了解日本文化同傳統。對於一啲已有經基礎日文知識嘅學生嚟講，搵日藉日文老師學日文會係一個唔錯嘅選擇。

但對於一般日文初學者，如果貿貿然搵日文老師就唔係咁好！因為日文老師多數用日文溝通，初學者難以適應。相反，不過有時香港人日文老師可能反而更了解本地學生嘅學習困難同需要，溝通亦更暢順，譬如日語有唔少文法嘅用法相近，本地老師會比較明白學生點解會搞亂，解釋得更清晰。

好多國家嘅教育制度都採用母語教學，就係因為學生以最熟悉嘅語言學習，可以減少語言障礙。尤其是剛入門嘅人，用返廣東話上堂就會較易理解教學內容。

到咗日語水平有N3左右時，就可以改以日文上堂，令自已習慣用日語思考，提高聽力。喺呢一方面，可以雙語教學嘅本地人日文老師就可以配合得更好啦！

假設你係上班族，呢個問題就尤其重要。

日語學校嘅課程通常每星期1堂，每堂2至3小時，如果你工時長，又或者要輪班，可能會比較難就返學時間，有時仲會因為遲收工或返Shift而錯過課堂。學校通常可安排補課，但班班教學進度唔同，有時補咗堂都冇乜用。

反觀私人導師嘅教學時間通常比較有彈性，無論係上堂次數、日子定時間都可以再商議。你想密集啲上堂又得，去旅行改期又得，可以因應你嘅時間表調動。

呢個係一個好現實嘅問題。

報讀正規嘅日語班，全期學費大概為$6,000起，程度愈高學費愈貴，不過除返學習時數計，其實每堂可能只需$70–$100左右。至於私人日語導師又或者日文私人補習，每堂收費介乎喺$250–$400之間，平均為每小時$350，比較適合預算鬆動嘅人。如果你Budget有限，咁出面日語學校又或者進修學校就係比較經濟實惠嘅選擇。

近年政府為咗鼓勵職場人士學習進修，當完成課程後，政府會退回課程費用的80%或上限10,000港元(以數額較小者為準)。而且申請資格亦唔算太嚴格，只要你符合下列所有條件即可：

1）屬香港居民並擁有香港居留權、或香港入境權、或有權在香港逗留而不受任何逗留條件限制，即在香港智能身份證出生日期下印有“A”(香港居留權)、“R”(香港入境權)或“U”(有權在香港逗留而不受任何逗留條件限制)

2）已獲錄取修讀可獲發還款項課程，並在開課前以按月等額形式支付學費

3）在遞交申請和申領發還費用時，年齡介乎18至65歲

有唔少坊間日語課程都有都有合資格嘅課程，報名之前可以留意下！