【新婚大日子】新娘試妝4大注意事項

新娘化妝Set頭點計錢？

新娘化妝收費因人而異，化妝同Set頭可以分3個收費階段，包括試妝費、訂金以及婚禮當日交付化妝費。

試妝流程目的係比新娘睇下妝容合唔合乎心意，每次試妝價錢介乎試妝費大約維持在 $500-$900，過程大約需要2.5至3個小時。化妝師會幫客人研究2至3個妝容及髮型。如果雙方對試妝效果滿意，就可以進一步落訂金。

唔少人對試妝費用及訂金存有誤解，以為訂金包括結婚當日化妝費，但其實大部分化妝師收取訂金只係作預留檔期嘅費用。如若準新娘即場以現金付訂金確定檔期，試妝費可全數退回！

新娘化妝費用會係婚禮當日支付，有化妝師於開工前收錢，亦有化妝師於完工後收錢（亦係一般人所稱嘅尾數），做法人人唔同。化妝費用定價視乎造型數量、化妝師名氣以及經驗而定，如果係老行尊或者名牌化妝師當然會比較昂貴。詳細價格資訊可以參考：【化新娘妝收費】2024新娘化妝套餐價錢攻略（4大婚禮化妝貼士）

整體而言，一個造型收費介乎$1,500至$4,000，通常適合婚禮註冊或新娘出門等場合。如果新娘想早晚轉妝同換髪型，兩個造型價錢介乎$3,000至$5,000。若新娘希望化妝師全日跟場，價錢介乎$4,000至$15,000，通常包括4至6次換妝，甚至無限補妝同更換造型）。（以上所有價格只供參考，不同化妝師收費可以有頗大出入。）

新娘化妝師要履行乜嘢責任？

貼身服侍？

坊間新娘對化妝師有唔同期望。有人覺得化妝師要貼身服侍，包括拉裙掛之類。事實上，即使係全日跟場嘅化妝師，其責任範圍都只限新娘化妝以及髮型，其餘事項只屬於義務性質。

新娘試妝

為新娘試妝時，每個化妝師有責任就客人膚色、喜好、面型輪廓建議幾個化妝風格同髪型。過程當中，化妝師要做足基本清潔、護膚、底妝、面妝及補妝工作。但補妝次數可圈可點，視乎實際需要以及婚禮節目安排。大部分全日跟場嘅化妝師會喺拍攝之前以及賓客進餐時補妝或換妝。

支付尾數有變數？

新娘要注意，以上價錢未必係最終收費，因為過程中有可能產生預料唔到嘅額外費用。如果客人一開始並無要求全日跟場，到當日突然要求補妝及髮型修飾等，都需要另議。如果伴娘、姊妹以及其他親友要試妝或化妝，需按人頭或造型數目另外收費。除此之外，婚宴經常比原定時間長，若新娘需要化妝師延長服務，必須「補水」支付超時工作費用。以上種種額外收費，都可能令尾數比原定金額多。

新娘試妝4大注意事項

結婚始終係人生大事，每對新人都希望高高興興度過，有番個美好回憶。如果因為錢銀問題或服務細節上出現狀況，大家都感到掃興。搵化妝Set頭服務時，緊記以下幾個注意事項，讓自己有一場順利嘅婚禮。

1）試妝前做足資料搜集

好嘅髪型化妝師唔單止將你形象重新打造，而且為人要具備責任心。準時出席重要日子，相約好嘅檔期亦唔能夠隨時更改，而且數目分明、手腳乾淨，唔會偷竊主人家財物等都係職業同道德操守。對一般人嚟講，搵髪型化妝師可能無從入手。建議到新娘討論區或HelloToby上參考化妝師評價同作品相片，精選信譽良好嘅服務提供者。

2）提早預約試妝

如果你唔想重要場合出現差池，建議提早預約試妝。因為試妝就如見工一樣，係雙方有個機會互相了解同磨合。新娘值得花時間試多幾個造型，以及尋找與自己風格、性格配合嘅化妝師。對化妝師嚟講，試妝時掌握好對方想要嘅效果亦方便日後工作。新娘化妝師喺吉日、旺季特別繁忙，所以記得提早預留檔期。

3）試妝時充分溝通

揀好化妝師後，千祈唔好掉以輕心。無論化妝師同新娘起初有多投契，工作交涉還是要小心處理。最理想雙方簽訂合同，講清楚要為多少人化妝、換妝及補妝次數多少、超時工作收費如何計算、車資收費數目以及付尾數時間等等。萬一出現任何問題，大家都有依據。

4）試妝時留意產品質素

好多人都有皮膚敏感，所以要留意化妝品同頭髪定型產品係咪符合自己皮膚性質。你仲要特別留意化妝掃嘅清潔程度，因為化妝掃會殘留上手嘅分泌物以及滋生細菌，一旦處理唔好會影響自己皮膚。最保險做法係提供個人用品俾化妝師，以免當日有問題時出現爭拗。

Toby 你的專業婚禮專家

平台上所推介的新娘髮型及化妝服務不單專業可靠，收費亦透明公開，你可一次過獲取多至4位婚禮髮型化妝師的報價，自行比較他們的個人檔案、評分及報價，從中挑選你最滿意的一位去聘用。

Toby 專家為準新人提供：婚禮統籌、大妗姐、證婚律師、租婚紗、婚禮場地租賃、影婚紗相、婚禮佈置、印喜帖、婚禮攝影、婚禮司儀、樂隊表演等服務，助準新人成就夢想婚禮。你可以在 Toby 結婚服務專頁瀏覽專家的資歷和顧客留言，然後選擇心水專家和索取報價。每位專家經驗豐富，擁有專業資格，而且獲 Toby 顧客認可，值得大家信賴。

祝各準新人有個完美婚禮！