好多女仔為咗減肥而節食，但食少兩餐都唔見得瘦幾多。如果你唔扚起心肝做運動，始終都無辦法擺脫拜拜肉、大肚腩、豪華臀。其實，身體係個戰場，脂肪同肌肉日日進行爭奪戰。若果肌肉獲得多啲營養，體脂就會降低。關於減肥操肌以及做gym減肥，你可能仲有好多疑問：究竟有氧同無氧運動有乜分別？女仔可唔可以做gym？減肥一定要做重量訓練嗎？上班族可以點抽空做運動 Toby 今次邀請到網上健身平台 Pit Stop 一一為你解答。
【減肥操肌一條龍】 做Gym減肥 6個基本要訣
更新於2023年01月06日
【減肥操肌一條龍】 做Gym減肥 6個基本要訣
有氧運動 + 無氧運動，相輔相成！
緊記瘦唔代表一定靚，減肥所追求嘅係曲線美而非皮包骨。最佳運動方法係有氧同無氧運動互相配搭。
運動強度 | 心跳區間 | 持續時間 | 類型 |
|---|---|---|---|
有氧運動 | 最大心跳率60% - 75%（心跳達每分鐘130次） | 30分鐘至60分鐘 | 散步、慢跑、溜冰、游泳、踩單車、耍太極、跳健身舞、做韻律操等 |
無氧運動 | 最大心跳率85%以上（心跳達每分鐘150次 | 一次10秒到2分鐘 | 賽跑（短時間）、舉重、投擲、跳高、跳遠、拔河、肌力訓練等 |
操肌減肥：做重量訓練先可以瘦落嚟？
無錯！肌肉喺減肥過程中扮演極重要嘅角色，因為脂肪組織重量會受肌肉支配，所以肌肉生長愈快速，脂肪重量就會明顯降低。而重量訓練有破壞以及淘汰弱肌肉細胞嘅作用。唔單止養好肌肉力量，更能預防疾病，讓身體線條變得結實，提升減肥效果及其他運動表現。根據每個人身體狀態而有所不同，建議搵個健身教練，指導你喺安全又健康嘅環境下做運動。
健身時間表：安排運動時間
好多上班族諗起做運動、 做Gym，第一個藉口就係「冇時間」。不過，相信普遍人只係「心有餘而力不足」。做運動嘅重要性唔能夠以藉口推搪，根據美國運動醫學會和美國心臟學會的運動建議，每星期應該做肌肉訓練達 2日以上，伸展及有氧運動就至少要150分鐘。一般大型健身中心可能有時間限制，但市面上仲有更多具彈性嘅選擇，例如一對一 、上門訓練等多元嘅「私人健身教練」模式，睇可配合每個人嘅空檔時間，比較容易達成每星期運動量。
做Gym 減肥：搵一位同你夾嘅專業教練
有啲人需要朋友一齊做運動先有動力，有啲人享受單獨運動嘅過程。不論你喜歡邊種訓練方式，最重要係搵一位同你夾嘅專業教練。呢位專業教練唔單止安排時間表帶你進行訓練，更係你倚重嘅諮詢師，可以將運動、營養及健康融合並向你灌輸正確知識，而並非只係Sell你買課程，造成不愉快嘅運動經驗。
慎選健身場地 / Gym 房
目前好多外面嘅健身場地良莠不齊，甚至有啲 Gym 倒閉令會員血本無歸，亦有運動設備同運動人數唔合比例嘅情況，導致偶爾會有意外或糾紛發生。因此，我哋建議任何人士選擇一個固定健身場地前，要花時間試堂以及實地考察，了解場地管理、器材安全以及衛生質素等等。例如健身地點有冇分開男女練習空間？係咪綑綁式付費？各項器材平均使用人數？每隔幾耐清潔場地一次？要好好了解場地以免白花一筆費用。
運動後，唔使過分控制飲食！
運動後，一定要好好休息才能夠讓被破壞的肌肉再次增生，所以毋須怕食碳水化合物嘅食物，只要飲食有道便可。運動後攝取高GI值（高糖分）的食物如白飯、番薯或馬鈴薯，能迅速補充運動時消耗嘅肝醣，有助恢復運動員體力。蛋白、牛奶、豆漿則是提供肌肉生長所需要嘅胺基酸。
想搵健身教練操Fit？Toby 幫到你！
睇完以上關於健身嘅資訊，希望你會了解更多減肥做gym嘅基本要訣啦！做gym操Fit 最緊要做啱動作，姿勢要正確，先可以達到最佳成效！如果驚自己動作唔啱，一於搵個私人健身教練幫你啦！依家去Toby 嘅平台，只係需要簡單回答幾條問題，就可以搵到真正啱心水嘅私人健身教練，安排一系列適合你嘅健身運動，快啲行動啦！
只需三步，物色全港最佳健身教練
服務評價
5.0
(2037)
Ms so
5.0
2024年12月05日教練喺第一時候致電 比較上心 所以直接決定找他試堂 上課時坤士 身體接觸前會徵詢
LUI TING TING
5.0
2024年11月29日好有heart同真心為學生好嘅trainer! Highly recommended :)
Llo***@*****.com
5.0
2024年11月13日非常好 堅野 最緊要捉你正確位置
