今時今日嘅教育環境唔再只係講求學業成績咁簡單，小朋友冇番一兩門技能在身始終較輸蝕，所以唔少家長都安排子女參加各種興趣班，希望有一技傍身，而跳舞就係理想嘅選擇！學跳舞除咗可以改善小朋友嘅體能外，仲可以提升身體協調能力同節奏感，可以話係好處多多！不過小朋友應該幾時開始學跳舞最好？如果學又應該學邊種舞蹈呢？等Toby 為大家講解一下！
【家長必讀】小朋友學跳舞，有乜要注意？
更新於2023年12月04日
【家長必讀】小朋友學跳舞，有乜要注意？
小朋友學跳舞有乜好處？
1）強身健體
舞蹈屬於有氧運動，可以增強心肺功能，促進血液循環，同時可強化肌肉，增加關節靈活性和柔軟度。
2）加強節奏感和身體協調力
跳舞好多時要配合音樂同節拍作出不同嘅舞蹈動作，能夠訓練小朋友嘅手腳協調同專注力，亦可加強節奏感。
3）增強自信
小朋友學識透過舞蹈動作表達自己，而平日喺人前表演亦可提升心理質素，令小朋友冇咁容易怯場，培養表演能力。
4）提高社交能力
舞蹈除咗獨舞外，仲可分為雙人舞同集體舞，好似社交舞、芭蕾舞同探戈舞都需要同舞伴互相配合完成表演，小朋友可藉此同其他小朋友交流，從而學識點同其他人溝通合作。
小朋友幾歲開始學跳舞？
一般來講，3–4歳嘅小朋友已可以開始學跳舞，通常呢個年紀嘅小朋友開始可以聽從導師嘅指導，專心上課。家長可以為小朋友報名參加短期興趣班或Playgroup，主要俾小朋友接觸下不同類型嘅舞蹈，培養對跳舞嘅興趣，打好基礎。
到5–7歳就可以專攻一種舞蹈，接受更深入嘅技巧訓練。不過，由於專業嘅舞蹈訓練強度大，對體能同耐力都有好高要求，而小朋友嘅身體骨骼都仍在發育階段，所以太早接受專業訓練反而可能會對小朋友嘅成長發育不利。
小朋友適合學甚麼舞？
1）芭蕾舞
古典優雅嘅芭蕾舞班一向係家長嘅熱門選擇。芭蕾舞對基本舞蹈動作有嚴格要求，小朋友經過一定訓練後，身體柔韌性、協調性同肌肉力量都會大大提升，再加上唔少舞蹈都包含芭蕾舞嘅基本技巧，所以學過芭蕾嘅人學習其他類型嘅舞蹈時都可較快上手。
2）爵士舞
爵士舞班節奏強勁，而且動作變多端，相對傳統芭蕾舞無咁多規限，舞步同表達手法更奔放自由，適合活潑好動嘅小朋友。
3）踢踏舞
踢踏舞班適合各種年齡層嘅人士學習，主要以雙腳配合音樂來表現舞步，可以訓練小朋友嘅身體協調能力，並加強節奏感。踢踏舞嘅舞步自由度高，發揮空間大，小朋友可以藉由踢踏舞感受跳嘅樂趣。
小朋友學跳舞有咩要注意？
1）小朋友興趣最優先
當小朋友接受過一定嘅舞蹈訓練後，就可以選擇一種舞蹈專攻，無論係芭蕾舞又好，社交舞都好，搵興趣班最緊要嘅都係小朋友鍾意，願意花更多時間學習更深入嘅技巧。如果缺乏興趣，上再多嘅課堂都只係徒然。
2）師資同教學環境好重要
為小朋友揀舞蹈培訓機構時，師資同教學環境都係重要嘅考慮因素，因為舞蹈時需要運用到身體不同部位，初學者最好有專業又有經驗嘅老師較能給予適當嘅訓練同指導。而上課環境就要留意有冇大型落地鏡、掛壁/移動式嘅舞蹈把杆等設備，輔助小朋友學舞。
3）不必急著練高難度動作
小朋友初學跳舞時應以培養興趣為主要目的，冇必要夾硬要小朋友完成高難度動作，好似壓腿、轉圈等，除咗容易受傷外，亦好容易令小朋友產生反感。
想學跳舞？Toby 幫到你！
正想揾專業嘅舞蹈老師指導你嘅小朋友？我哋嘅平台有唔少優秀嘅芭蕾舞班、踢踏舞班、社交舞班、爵士舞班、HipHop舞班、探戈班同K-Pop跳舞班老師，即刻上我哋嘅平台免費獲取不同舞蹈老師嘅報價啦！
想搵其他興趣班？
你或許也有興趣查看其他小朋友運動班：
提升求生技能：游泳班
增高運動：籃球班
親子運動：瑜伽班
你或許也有興趣查看其他小朋友興趣班：
強化三文兩語：普通話班
外語能力優勢：日語課程、韓文班、法文課程、意大利文課程、德文課程、西班牙文課程、泰文課程
加強聲樂培訓：唱歌班
