化妝雖然看似簡單，但要配合唔同人嘅五官特色、配合唔同場合，化出適合嘅妝容就唔係人人都做得到。如果你有志成為專業化妝師，自己接Job做，就要睇睇以下5個成為化妝師嘅必知要點！
【我想做專家】如何成為專業化妝師？5個步驟話你知
更新於2021年07月09日
【我想做專家】如何成為專業化妝師？5個步驟話你知
準備一定資金
要成為化妝師，你除咗要報讀化妝課程進修，仲需要添置不同類型嘅化妝品同工具，加加埋埋可能已經要$50,000–$80,000。此外，剛入行時收入不穩唔係成日都接到Job，所以最好都係儲多個錢，以備不時之需。
報讀化妝課程
唔好以為鍾意化妝就可以成為專業化妝師，淨係講興趣係唔夠，最好都係搵間正規嘅化妝學校修讀相關課程。香港有唔少化妝學校，課程內容涵蓋日妝、晚妝、新娘化妝、舞台化妝，甚至特技化妝。除咗化妝技巧外，仲會學習分析客人的皮膚、五官同面型等理論知識。如果經濟能力許可，有人更會選擇到英國、美國、加拿大同澳洲等國家深造。
考取專業資格
雖然做化妝師冇規定一定要有專業資格，但擁有認可性高嘅相關證書，絕對可提高你嘅競爭力。英國ITEC國際化妝證書及文憑，可以話係市場認受性最高嘅職業資格證書，以第3級程度最高。如果你想考取ITEC，最好都係報讀針對考試設計嘅相關課程，因為ITEC嘅考試內容除咗實務化妝考試外，仲要提交個人作品集同考筆試，唔係咁簡單就可考到。其他專業資格試包括瑞士CIDESCO國際美容師文憑同英國CIBTAC資格證書。
積極參加實習
每個人嘅五官、面型甚至皮膚狀態都各有差異，想磨練化妝技術，多練習就唔使講，平日多做主動，積極參與化妝學校提供嘅實習機會，增加經驗。亦可以搵下親朋戚友，幫佢哋化妝做練習，相信大家都會好樂意俾你試妝。
擴大人際網絡
新入行嘅化妝師面對最難嘅問題，就係唔係成日接到Job。其實化妝師好多時都係靠熟人或舊客轉介接Job。唔想呆在家中等運到，就要建立自己嘅人際網絡。譬如多結識朋友，平日多同客人保持聯絡，空檔時多同攝影師或其他人工作人員溝通，建立關係。人哋見你掂，就自然會介紹工作俾你啦！
想學化妝？Toby 幫到你！
希望以上嘅資訊可以幫你了解更多化妝師呢個行業啦！其實化妝都係要靠不斷練習，熟悉唔同嘅化妝工具同技巧，如果你想認真學習化妝嘅話，Toby 幫到你！依家你只需要去Toby 平台簡單回告幾條問題，就可以馬上搵到啱心水嘅化妝課程，為前路作好最佳準備！
只需三步，物色全港最佳化妝課程
服務評價
5.0
(203)
Celyn Lau
5.0
2024年10月25日教得好仔細, 又會最後提供list俾詳細建議, 化妝新手放心哂
chan
5.0
2024年10月20日啱啱返新工所以需要學化妝， 喺網上搵到carrie， 我覺得佢好細心好有耐性， 真係學到嘢 。因為我完全唔識化妝， 佢每一個step去教， 上完堂兩日佢仲whatsapp問我有冇唔記得嘅地方可以問佢👍
Sonia Wong
5.0
2024年03月07日課堂講解清楚明白, 有耐性解答問題, 適合新手.
