【搬屋Pack箱】整理搬屋紙箱好頭痛？5大實用搬屋執嘢技巧！

搬電視、雜物 — 搬屋紙箱 未必需要

無論移民搬運pack箱，或在香港搬屋執拾，大家在執屋pack箱收拾時，習慣會將全屋物件放入紙箱，但其實電器和大型雜物都唔需要Pack箱！

如果係電視機，只要喺搬屋前預先拔除所有電線，搬屋公司就會幫你用紙皮包裝，最後放喺搬屋膠箱 、搬屋紙箱箱頂。其他電器都係一樣嘅道理。唯獨是要記得將拔除的電綫捲好、用膠紙黏好之後 Pack箱 ，以免遺漏。

大型雜物都一樣唔駛用搬屋紙箱。你只需要將佢地放埋一邊，用紅白藍袋或其它方法裝好，師傅就會用雜物車搬走。不過小型喇叭就需要用到紙箱啦，記得要先用氣泡紙包裝好先入箱，避免被其它雜物砸壞。

廚具、易碎餐具 — 泡泡紙 密實包裝

碗碗碟碟點Pack好？ 搬屋Pack箱最驚就係整理易碎品，你可以用氣泡紙減低搬運過程中砸碎嘅機會！

搬運公司一般都會提供泡泡紙，不過東亞搬屋公司就會特別提供專用碟架、墊底棉、碗袋、 杯袋、調味架等俾你，包裝好易碎嘅厨房用具先放入紙箱。

搬屋紙箱 — 記得用貼紙做好分類

執屋執到一半，成間屋都放滿一式一樣嘅紙箱，連自己都未必認得，更何況係搬屋公司？

專業嘅搬運公司會提供專用嘅貼紙俾你做標籤、分類，到 Unpack 執嘢嘅時候就唔洗頭痛啦！如果你聘用嘅搬屋公司無提供嘅話，你都可以用Marker筆寫係紙箱表面，方便自己辨認。

東亞搬運公司嘅分類貼紙分爲「廳」、「廁所」、「房」三類，方便俾搬運師傅知道每個紙箱應該放邊度。注意貼紙要貼喺箱面正上方，唔好貼側面，因爲紙箱一叠起就有機會遮住架啦。

另外， 部分公司會提供「物件到達新居後確認單」，即係我哋俗稱嘅搬屋清單，同相應嘅號數貼紙方便你mark箱，減少唔見嘢嘅機會。到達新居後，你可以要求師傅幫手核對每個號數嘅物件係咪全部安全到達。

仲有一個省卻搬運時間嘅搬屋執野貼士，就係將Pack好嘅紙箱放埋一齊。由於師傅一般會搬左紙箱、膠袋先，如果將佢地放埋一齊，就可以省卻師傅逐間房揾嘅時間啦。

床頭櫃、鞋櫃、書櫃點執？ — 必知搬屋貼士

搬屋Pack嘢好多人以爲一定要清曬櫃裏面所有嘢出黎，但其實唔一定！細櫃裏面嘅嘢唔駛全部拎出黎，好似床頭櫃、鞋櫃、五桶櫃衣櫃等都可以唔駛清，直接成個Pack走。

但高於 6尺嘅櫃，譬如書櫃、地櫃、衣櫃等，因爲上到貨van 要打側放，以免裡面嘅物品傾倒而出，所以要清理左先。最好喺搬運前同搬運公司查詢貨櫃尺寸，了解規格係點樣先再作安排。

另外，如果搬去某啲唐樓、村屋、複式單位或者有樓梯嘅單位，就要將櫃裏面嘅物品入箱，以免在上下樓梯搬運過程中傾倒當中物品。

清理傢俬垃圾 — 切記清晰標識

搬運當日， 搬運工人未必個個都有一份搬屋Checklist 對住，未必清楚邊啲傢俬要搬上貨車、邊啲係唔要，所以你可以善用「垃圾」同「留低」貼紙貼喺傢俬上面，或者直接用 Marker筆標記，咁就唔怕撈亂啦。

更加直接嘅就係，將要棄置傢俬垃圾放係另一邊，以免混淆。

Toby 專業搬運服務

唔知以上搬屋執野技巧同Pack箱貼士有無幫到你呢？其實想要成個搬運過程，順心又放心，最緊要嘅都係選擇一間專業又可靠嘅搬運公司！Toby 專業搬運服務得到用家一致好評，細心關顧你的需要，助你輕鬆完成整個搬運過程，唔需要再因為搬屋而覺得麻煩。想搵一間心儀嘅搬屋公司？Toby 幫到你！