8 Clear Water Bay Road Car Park Apartment508sq. ftChoi HungRenovation And Design

今次嘅單位位於📍彩虹清水灣道8號，實用面積508呎，裝修費43萬，兩房一廳一廚廁。設計師喺單位運用咗大量迪士尼元素🏰，令成間屋充滿夢幻樂園感覺🎠。 即刻去片睇睇介紹啦：https://www.youtube.com/watch?v=v-_Be-zrfaQ 大廳🛋以迪士尼街道作主題，透過小屋形狀🏠嘅電視櫃📺同儲物櫃📦令人彷彿行咗入美國小鎮大街咁。而設計師亦特意喺天花唔同位置安裝不規則波波燈🎈取代傳統燈具💡，為空間增添活潑趣緻氣氛🤩！ 主人房🛌以床頭圓形壁燈🟡、窗台月亮形燈🌕配合屋頂設計床頭板，塑造出城堡感覺🏰。小朋友房就以粉白同淺木為主調🎨，碌架床嘅木條子床欄同窗戶保障到安全之餘，亦充滿童趣👧🏻。房內嘅衣櫃👚都利用咗拼色創造出屋頂圖案，延續整體風格📐。 廁所🚽同樣採用屋形設計嘅鏡櫃，呼應返廳房嘅小屋元素🏡，而熱水爐就收埋咗喺帶有磨砂玻璃窗戶嘅櫃入面，望落更簡潔👀。淋浴間牆身🚿選用咗凹凸花紋磚，增添設計感❤️。 廚房🥗相比起其他空間，無添置太多裝飾。以淡粉紅色牆磚配搭水磨石地磚，從顏色同物料上呼應返樂園主題🎡。