Ravana Garden Apartment645sq. ftSha TinRenovation And Design

今次呢個位於沙田濱景花園嘅7️⃣0️⃣7️⃣呎單位，採用簡約舒適嘅木白北歐風設計🟤⚪️，加上奶油系傢俬同玻璃間隔嘅點綴🍰，充滿幸福感❤️。 玄關旁邊係玻璃分隔嘅半開放式廚房🥗，由於單位有5人3寵物同住，所以玻璃設計就提供到更大嘅空間感👀，減低壓迫嘅感覺。而客廳🛋最特別之處就係電視後面嘅雲石特色牆⬜️，配合埋上方木條子點綴同天花嘅滲光燈💡，突顯成間屋嘅暖色格調☀️。 房間位置主要以湖水綠、白色同木色作主調🎨。為咗方便工人姐姐照顧兩位小朋友，設計師貼心咁喺工人房同兒童房之間造咗長虹玻璃趟門🚪，兼具實用性同私隱度👍🏻。主人房🛌就採用全地台設計增加儲物空間，床頭嘅條子cushion同地墊布配搭滲光燈帶令空間更有情調👩‍❤️‍👨。 主廁🚿都以木白色為主題並特別選用咗六角型意大利磚加直紋磚塑造微水泥風🪨，簡潔不單調。