大澳好去處 - 遠足路線推介

無論你係行山發燒友定新手，大澳行山路線總有一條適合你！HelloToby為你搵嚟 3 條精選行山路線，附有詳細圖片 & 文字說明，等你隨時都可以徒步行入素有東方威尼斯美譽嘅水鄉 - 大澳！

路線1 － 虎山行山徑

（圖片擷取自：dimjoeng.com）

行山新手們就最適合呢條路線啦！簡單得嚟又輕鬆，又可以順便嚟個大澳一日遊！

喺大澳郵局向前再行一陣，就會見到有指示牌指示「虎山觀景台」方向。要注意呢個唔係虎山行山徑嘅入口，而係需要再前行，起步點於大澳少林寺。

難度：1粒星

路線2 － 東澳古道

（圖片擷取自：jayloforall.blogspot.com）

起點為 東涌市中心 － 䃟頭 － 候王廟 － 沙螺灣 － 䃟石灣 － 深屈灣 － 寶珠潭 － 大澳，由於路程較長，對於行山新手們可能就有啲難道啦！

東澳古道係一條由東涌延伸至大澳嘅行山路線，全長大約15公里，所需時間大概為 6 小時。雖然途中景點眾多，但係路途比第一條推介路線長，行山新手記得要做好準備先好出發！

難度：3粒星

路線3 － 昂坪至大澳

（圖片擷取自：潮池）

起點為 昂坪 － 觀音山 － 羌山 － 靈會山 － 分水坳 － 萬丈布 － 龍仔悟園 － 南山村 － 大澳

全程路線大約 4-5 小時，雖然比東澳古道短，但係路途比較崎嶇，所以難度應該比東澳古道高。行山新手就最好就搵個有經驗嘅帶住你行啦！

途中會經過龍仔悟園，亦係呢段行山路線必經之處。園入面嘅中式樓閣，雖然日久失修，但仍然極具古風。

*****行山遠足係一項體力需求高嘅活動，請於事前做好準備，並結伴行動以避免或減低意外發生嘅機會！